HAFATRA - raozigasy

Azo vakiana?

Tamin’ny fetinao ry bavy, Dia niantso ahy vetivety
Halatra fotoana ihany , Hiarahaba anao tratry ny fety

Fa androany kosa indray, dia nanokana fotoana
Hanoratra ho anao amin’izay, ka eto isika no hihaona

Lehibe ianao izao, tsy izany no atao litania
Fa ny faniriako anao, dia ny hiaina ny Fitia

Ny fitiavam-bady no voaloha, satria ao ny fiainanao
Kolokoloinao mba ho soa, izato tokantranonao

Aza adino i zandrikely, ianao izao no akaiky azy
Mbola mila anao izy, raha mbola tsy lasan’ny mariazy

Aza adinonao i neny, na dia efa fantatra aza,
Ireny toetrany ireny, efa haintsika fahazaza

Aza adino koa i zoky, na dia lavitra , tsy hita
Ny fitiavanao azy, hanosika azy ho tafita

Dia ny lehibe indrindra, aza adino fa tiavo
Ilay vavaka izay nitaizana, hiderana hatrany ny Avo

Dia teny fohy am-pitiavana, no hamaranako izany,
Tsarovy anie fa Tiako Ianao, ary mahereza hatrany

21-03-06

Hametraka hevitra

Midira aloha

Mombamomba

Mpanoratra : raozigasy

Nampiditra : raozigasy
Daty : 05/04/2006
Mpamangy : 1516
Mankafy : 1

Tononkalo hafa

Orohy aho akia malala a
Tratry ny taona 2020 Ho
Gaigy be
01 Novambra 2019
Ry zalahy sy ny sasany
Natahotra
Peratra
Un jour mon fils tu vas m
Fan Zone
Ialahy