Izay no vita ny tantara (raozigasy)

Izay no vita ny tantara
Tsy natao antsika ilay anjara
Tsy hitako izay ambara
Aleo ho rava raha tsy tsara

Izay no vita ny tantara
Ratsiratsy ilay fiafara
Kanefa atao ahoana moa
Izao no sahaza antsika roa

Tsy hanontany tena intsony
Hoe tsy hitempo ho ahy ny fony
F’izay ny lalana finidiny
Izaho no mizaka ny safidiny

Satriko ho tsy nisy iny
Fitia tam-boalohany iny
Satriko ho tsy nisy isika
Fa ny foko izao mikiaka

Zakaiko anefa raha anjara
Raha izay no lalan’ny tantara
Ny tomany lasa tsy anenenana
Ataoko hoe saonam-pandevenana

Ka ho an’ny ampitso
Tsy ho lavaka mangitso
No omeko izato foko
Fa traka , tsiky tsara loko
--------