K'aiza k'aiza (raozigasy)

K’AIZA K’AIZA
(Dridridridrin’ny dimbaka Gasy iray eo Ambohipialanaina)

K’aiza k’aiza izy izany ry lery,
Efa koboko ianareo vao tery
Mba siriho fa aty misy hadehaka
Tena ramaka aho izany misanehaka.

Misy mbala manja be izay hitako
Ao am-bovo izy izao, k’izao no fikako :
Takalo maizina roa monja ihany,
Donaino maika fa ambany be izany.

Angaha tsy gidra ity fiainanay ity
Ny drala azo dia mivadika ho pi
Miaraka amin’ny maina , oy, milay
Fa ny ankoatra izay: mahafay.

Raha ts’isy paika, aleo jokotra
Izay kandra ts’isy saosy hahasomokotra?
Ity paika indray mandeha: fananam-be;
Fa raha tratra: tonga soa Ambondrombe!

K’aiza k’aiza izy izany ry lery
Efa koboko ny…hiandry ahy arў,
Aleo ny tary hanala azy faramparany
Alohan’ny fahavitan’ny tantarany.

Gaodraka aho ry namana ka ampio a,
Lamy iray monja ihany, d’hipitsiho
Mba atao kaly kely midegà
…K’aiza k’aiza, ialao tany fa pirà….

HAJAINA okt 98

K'aiza k'aiza : Fomba fiarahabana (Salut)
koboko : Hitako
Siriho : Mba jereo
Hadehaka : hamidy
Ramaka : Noana
Mbala : Lamba (akanjo)
Am-bovo : An-trano
Fikako : Tetiko
Maizina roa : Roa alina (ariary)
Donaino : Raiketo
Drala : Vola
Pi : Toaka
Maina : Rongony
Jokotra : maty
Kandra : Asa
Gaodraka : reraka
Lamy : Roanjato ariary
Midegà : Ratsiratsy
Pirà : Pôlisy
--------