Omeo ahy (raozigasy)

Omeo ahy ho lesona , ny fahaiza-mahatoky
Hahaizako mifikitra, manara-dia Anao
Omeo ahy ho anatra , ny teny mahavoky
Hahazoako manantena, isan’andro izao

Omeo ahy ho taiza , ny tolo-pahendrena
Hahafahako manomboka, fiainana vaovao
Omeo ahy ho kolo, ny didim-panekena
Hanohizako ny hoaviko, miaraka Aminao

Omeo ahy ho hery, ny finoana Anao
Hanadinoako anio, ny sedra izay mandemy
Omeo ahy ho aina, ny fitiavanao
Hamoizako ireo ota, sy zava-dratsy ireny

Fa Ianao ihany Tompo, no azoko hamaharana
Satria Aminao, ny fiainana no hifarana
--------