Sitraka enti-matory (raozigasy)
Mbola tsisy niantsa
(Nalaina tao amin'ny vetso.serasera.org)
Sitraka enti-matory, hovaliana raha mahatsiaroSaotra tsy lany hamamiana, sy telina no atambatra ho laro
Atao fehezam-pisaorana, sy amboaram-pankasitrahana
Ho anareo tonga nanome voninahitra, ilay hetsika sy seho niarahana
Tsy omena tsiny koa anefa , ireo namana naniry ny ho avy
Ny fotoam-bita iaraha-mahalala, tsy manakana ny raha mampanavy
Ny risika sy fahazotoana, ny fo efa niara nizara
No nataonay tsara jery, sy fahatsiarovana tsara
Ireo namana lavitra toerana, tsy afa-namonjy ilay seho natao
Hozaraina anareo an-drohy, ny hetsika rehetra tao
Santatra ihany iny moa, ny manetsabe mbola ho avy
Ny korana mbola hitohy, tsy adinoina ianareo mianakavy
Fisaorana ho an’ireo namana tonga nanatrika ny seho niarahan’
i Lalao Rabeson sy Raozigasy Asabotsy faha 30 Nov 2013
--------
Rohy:
Sokajy :
Aingam-panahy
Mpakafy:
hifaliana