Veloma ianao (raozigasy)

Na laroinao lefa-teny, sy angolan-dangolango
Na fenoinao pitrapitra, arahin-tsafo lambolambo
Aza izany hatakao

Tsy hanokatra ny foko intsony, efa leo maheno fona
Ka nokitronin’ny fitia, fa nozarinao voadona
Noho ireo fitakao

Fa aoka izay ny amintsika, fa ampy ahy ny ditranao
Na dia hoe efa nekeko, ho zanako ny zanakao
Ny fo sy saiko leo anao

Tsy hampiova hevitra ahy intsony, izato ranomaso havozona
Efa tso-drano no nomeko, na dia tokony ho ozona
Koa dia veloma ianao
--------