AMPITAO NY FANILO (RFE Andria)
Mbola tsisy niantsa
(Nalaina tao amin'ny vetso.serasera.org)
AMPITAO NY FANILOIzao leitsy a! (hoy aho amiko miteny irery)
Matokia leitsy ialahy fa ny ilo tsy ho very
Mbola ao sy efa mijoro ireo zandry mahavita
Vonona hamelo-maso ilay ainga miampita
Mandehana amin'izay, ampandrio izao ny penina
Mahazo miala sasatra izy tsy atahorana hanenina
Maro ireo tanora ireo, mahaleo mahalasana
Ny fanilo ampitain'ialahy no hany sisa andrasana
Ka izory izany dia, mianoha indray ny kanto
Iangalian'izireo anaty tara-bolana malanto
Izany leitsy a, tomoera! Aza misy fanahiana
Fa ny onjaonjam-pitia efa tsara familiana...
RFE Andria - 30/11/2015
--------
Rohy:
Sokajy :
Aingam-panahy