You are here: home > Vetso

ANDRO FAHA... - RFE Andria

Azo vakiana?

1
Halako izato tenako…
Ny efa vita nanenenako
Raha izay no nampaharary
Sy nandratra ilay voahary
Kintan’ny habaky ny nofy…
O! ry molotro, tohofy
Ny kapoaky ny mangidy
Mendrika ahy tsy an-kifidy

Ny voady ataoko anio ry tiana
Tsy ho tontolom-pahoriana
No iriako ho anao sy ho ahy
Fa ao an-tsahan’ny fanahy
Tontolo-nofim-pifaliana
Ao isika no ho sondriana
Hiara-hianoka hankafy
Ireo onjaonjan’ny fitia…

2
Andro faharoa androany
Hamafako ny tomany
Ranomaso noho izaho
Sy alahelo nifamaho…

Fihina mitondra mamy
Tontolo tsy ety an-tany
No ampianohako anao
Rivo-piainam-baovao:
Fitiavana madio no ao
Fitiavana tsy mankalao
Nofy izay mandavan-taona
Ravahan-tononkalo foana
Moa mba tianao va re
Fa homeko be dia be?
Meteza akia hankafy
Ireo onjaonja-pitia…

3
He! Akory ny hafaliako
Voaisotra ny hakiviako
Hafalian-tsy omby tratra
Haravoana feno fatra

O! misaotra Anao ry Ray
Andriamanitra mahay
Fa Ianao namaly vavaka
Andriamanitra miavaka
Nomenao fanambinana
Ary koa fitsimbinana
Fitahiana feno vata
Fa nositraninao i Nath
Ny diany O! ry Ray tsinjovy
Dia ny faniriany koa mba tovy
Ny hampianoka ny mpankafy
Ireo onjaonjam-pitia…

RFE Andria – 16/06/14

Sokajy : fiainana, Namana, Vavaka

Mombamomba

Mpanoratra : RFE Andria

Nampiditra : Arofanina
Daty : 05/02/2015
Mpamangy : 872
Mankafy : 0

Tononkalo hafa

NOFIKO, HONO...
AZA MANAIKY
LEO...(2)
HANGINA AHO...
IANAO
MIONONA
MANAN-KAMBO
ZOVY?
TSY HAIKO (2)
HAFATRA