ANJARA MALALA TIANA (RFE Andria)

Mbola tsisy niantsa

Hangataka antsa
(Nalaina tao amin'ny vetso.serasera.org)
ANJARA MALALA TIANA

Nitataovan-draho-matevina
Izany lanitry ny foko
Tamin’ilay nisara-tiana
Toa hazo amoron-tevana
Tsenain’ny rivotra toloko
Nifatraram-pijaliana…

Tapa-kevitra aho tamin’izay
Ny hanidy varavarana
Tsy ho seranan-tsento intsony
Tsy hiondran-tsambo indray
Hikatsaham-pahasambarana
Hitadiavana fo tony…

Nony tojo anao anefa
Tsy nahita izay ambara
Tena diboka hafaliana
Nirodana ny efa efa
Satria tonga ilay Anjara
Ianao ilay Malala Tiana

Ahy ianao akia Malala
Io ny foko ho lapanao
Anjakao hatrany am-para
Raha ny hafa tsy hahalala
Fa tena Tiako, TIAKO ianao
Ry ilay tokako sy Anjara

RFE Andria – 31/05/14
--------
Rohy:
Sokajy : Fitiavana
819 0
Hametraka hevitra
Midira aloha
Momba ny tononkalo
Mpanoratra : RFE Andria
Nampiditra : Arofanina
Daty : 05/02/2015 11:37
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0593