ANY ILAY MALALA... (RFE Andria)
Mbola tsisy niantsa
(Nalaina tao amin'ny vetso.serasera.org)
ANY ILAY MALALA...Any ianao Malala an, izaho aty manina
Mahatsiarotsiaro anao, torovana toa fanina
Tsy mahita tory, ny eritreritra tsy tana
Lasa any aminao, tsy voafehy, tsy tamana
Any ianao Malala an, tsapako mamelovelo
Miombom-po, miray fanahy, reko aty fa malahelo
Toa nilaozan-torimaso noho ny telepatia
Mosarena safosafo, te hianoka fitia
Any ianao Malala an, ndeha hatory amin'izay
Any am-bohitry ny nofy hotohizantsika indray
Ny orokoroka sy fihina ilay tena ankafizinao
Any isika ho tafaraka ary izaho eo anilanao
Tsiky Arofanina – 12/11/2015 (@ 3 ora maraina)
--------
Rohy:
Sokajy :
Fitiavana
Mpakafy:
haraldtohaina