FANINA (RFE Andria)
Pas encore lu
(Nalaina tao amin'ny vetso.serasera.org)
FANINAAndeha mba tazano
Fa toa nahazo angano
Ity zatovo iray :
Jereo toa miolomay
Mirintona, tomany
Ny jeriny any ho any…
Io maraina androany
Ilay tiany eto an-tany
Nandefa ny someso
Nilaza toa naneso :
Tapaka tarangana
Ny fitia natsangana
Ka tsy tia intsony
Fa leo koa ny fony…
Dia iny ilay zatovo
Tsy tana tao am-bovo
Tsy nahatelin-kanina
Nandraingirainy, fanina
Ny fara-fijaliana ?
Nilaozan’olon-tiana
Ny andron’ny fitia
No nisy ilay taria…
RFE Andria – 14 febroary 2015
--------
Lien:
Catégorie :
Fisarahana - Fitiavana