FETIM-PIRENENA (RFE Andria)

Mbola tsisy niantsa

Hangataka antsa
(Nalaina tao amin'ny vetso.serasera.org)
FETIM-PIRENENA

Fetim-pirenena?
Mahonena,
toa mandatsa koa ny tenan'
ny vahoaka malagasy
mangasihasy,
fa toa fety an-taratasy
am-bava basy
no tena mba anjarany
tsy hita farany...
Ny sakafo
vidiana lafo,
tsy takatry ny kely vola,
efa mamaky loha sola,
ka fety aho hoe fety!
sa ho an'ny manana ny mety
izay manao ampihi-mamba
ny harenantsika angamba?
Fa ny valalabemandry
sasa-miandry,
fahanan-dalitra mazàna,
dia igagana
fa mifitsaka,
voahitsaka...

Tsy sanatria manao zinona
mihevitra ho tsinontsinona
ny fetinao aho ry Gasikara
mitaky ny mangarahara:
"moa tena fety ve
ny an'ny Gasy marobe?"

Mahavaka ny saina...!
Sa izaho no be lazaina?

RFE Andria - 16/06/2016
--------
Rohy:
1300 1
Mpakafy: hjravs
Hametraka hevitra
Midira aloha
Momba ny tononkalo
Mpanoratra : RFE Andria
Nampiditra : arofanina
Daty : 16/06/2016 07:31
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.081