ILAY FITIAVANA LEHIBE INDRINDRA (RFE Andria)
Mbola tsisy niantsa
(Nalaina tao amin'ny vetso.serasera.org)
ILAY FITIAVANA LEHIBE INDRINDRA(Jaona 15 : 13)
Tsy misy fitiavana lehibe indrindra noho izao :
Ny nanolorany ny ainy mba hanavotana anao
Tia anao hatramin’ny farany Ilay Zanak’Olona
K’indro fa nanetry tena fa tsy mba niolonolona
Dia nilaozany ny lanitra sy izay rehetra ananany
Nafoiny koa ny voninahitra ary ny fiandrianany
Mba hamonjena anao izay nandika ny lalàna
Hisitrahanao ny zo hiditra ao amin’ilay Kanana
Niaretany avokoa : ny eso sy ny fanarabiana
Nozakainy ihany koa ny latsan’ny hazo fijaliana
Nokapohina Izy mantsy, eny nokaravasiana…
Nilonjehitra irery ny vokatr’otanao ry tiana
Dia ianao izay nanjary lasa toy ny fahavalo
Nefa na izany aza, indro Izy tsy nimalo
Fa nanaiky ny ho faty teo amin’ny toeranao :
Tsy misy fitiavana lehibe indrindra noho izao !
RFE Andria – 18/04/2015
--------
Rohy:
Sokajy :
Fitiavana