ILAY MALALAKO (RFE Andria)
Mbola tsisy niantsa
(Nalaina tao amin'ny vetso.serasera.org)
ILAY MALALAKO…Any ho any hoy ianao?
Tsia dia tsia! hoy izaho…
Tsy mba nofy sanatria fa dia misy, tena misy
Izay Malalako izay, manjopiaka toy ny lisy
Kanto toy ny vonin-draozy vao mivelatra maraina
Tsy dia lavitra any ho any fa efa monina ato an-tsaina
Isan’andro dia ventesiko toy ny hira ny anarany
Dia toy izany koa izy amiko, araka izay ambarany
Tsy mitsahatra ny miantso sy manonona ny anarako
Ilay fony mitia ahy no vatofantsika amaharako
Tiako! tokana aman-tany izay Malalaniaiko izay
Endrey izany hasambarana rehefa izahay no tafaray!
Satry ihany hifamihina sy hifanoroka eo foana
Mifamboraka fitia,tsy mahatsiaro izay hoe noana
Izay no lanitra nomaniny ravahan-kintana alin-kisa
Ilay tontolo ianohako ny fitiavany ao am-paradisa
RFE Andria – 10/07/14
--------
Rohy:
Sokajy :
Fitiavana