ILAY VONY (RFE Andria)
Mbola tsisy niantsa
(Nalaina tao amin'ny vetso.serasera.org)
ILAY VONYNihintsana ririnina
Ilay vony nantenaina
Tsy nisy toa inona
Nalazo sady maina
Ny lokony narevaka
Lasa tonga hatsatra
Indro izy nitorevaka
Hita ho tena sasatra
Ilay fofo-maniny avy
Nanjavona tsy heno
Sa dia noho ilay tavy
Ts’isy otrikaina feno ?
Avy ao an-jaridaina
Mantsy izy no nafindra
Izay no nampahalaina
Ny faniriny hirindra
Hafatro ho antsika :
Aleo izy any an-tsaha
Fa na any mangatsiaka
Izy maha te-hizaha
Mandrobona izy any
Mamelana hatrany
Manitra aok’izany
Fa any tsara tany
Aoka tsy hongotana
Ka hafindra anaty vazy
Fa ny ainy no miontana
Tokoa, tsy vazivazy
RFE Andria – 06/05/2015
--------
Rohy:
Sokajy :
Fitiavana