MAMELA! (RFE Andria)
Mbola tsisy niantsa
(Nalaina tao amin'ny vetso.serasera.org)
MAMELÁ !Ireo fahotako marobe
Na tsy hita sy tsy re
Nalavon’ny fakampanahy:
Raiko ô! Mamelà!
Ny hadisoako nifanesy
Tamin-dàla-nampiletsy
Nampitrosotrosona ahy:
Raiko ô! Mamelà!
Ireo fandikan-dalàna
Izay niniana, hadalana
Ka naningotra ny aiko:
Mba avelao re ry Raiko!
Ireo ota nolalaiko
Tao am-po sy tao an-tsaiko:
Ny fahasoavanao no ilaiko
Mamelà re ry Raiko!
Amena!
RFE Andria – 01/01/2015
--------
Rohy:
Sokajy :
Vavaka