MARAINA VAOVAO (RFE Andria)
Mbola tsisy niantsa
(Nalaina tao amin'ny vetso.serasera.org)
MARAINA VAOVAO…
Ny ampitson’iny indray
Maraim-baovao tamin’izay
Nibaliaka ilay masoandro
Rehefa injay nisandratr’andro
Ka iny faravodilanitra
Notazani-mahasalanitra
Fa namelombelona aina
Ilay tara-bao-maraina
Manamarika mantsy iny
Fa efa lasa ny fahiny
Ka dia pejy vaovao
No hosantarina izao
Ilay nandrasanao omaly
Nampahory, nampijaly
Efa nivalona any ho any
Efa lasana vinany
Indrý mamiratra ny ho avy
Ho anao re ranabavy
Ilay olona nandrasanao:
Efa hisolo vaovao !
RFE Andria – 19/05/14
--------
Rohy:
Sokajy :
fanantenana