MIANTORAKA EO AMINAO - RFE Andria

Azo vakiana?

MIANTORAKA EO AMINAO

Miantoraka eo Aminao aho ry Raiko any ambony
ny samboaravoaram-piainako eo Aminao dia tony
mandohalika eo Aminao isan'andro aho mivavaka
mba afaho re ry Tompo, esory avy ao an-davaka

Lavaka mangitsokitsoky ny areti-mampijaly
lavaky ny fahotana izay nandavo ahy omaly
lavaky ny honahonam-pahantrako mihetraketraka
lavaky ny famoizam-po izay tena mahaketraka

Ka isan'andro, isan'alina eo Aminao no iantorahako
ary eo am-pelatananao irery ihany no ametrahako
ny momba ahy manontolo sy ny amiko rehetra
fa Ianao no Ilay Raiko tia ahy tsy misy fetra

RFE Andria - 22/09/2016

Mombamomba

Mpanoratra : RFE Andria

Nampiditra : arofanina
Daty : 22/09/2016
Mpamangy : 1237
Mankafy : 0

Tononkalo hafa

NOFIKO, HONO...
AZA MANAIKY
LEO...(2)
HANGINA AHO...
IANAO
MIONONA
MANAN-KAMBO
ZOVY?
TSY HAIKO (2)
HAFATRA