MIANTORAKA EO AMINAO (RFE Andria)

Mbola tsisy niantsa

Hangataka antsa
(Nalaina tao amin'ny vetso.serasera.org)
MIANTORAKA EO AMINAO

Miantoraka eo Aminao aho ry Raiko any ambony
ny samboaravoaram-piainako eo Aminao dia tony
mandohalika eo Aminao isan'andro aho mivavaka
mba afaho re ry Tompo, esory avy ao an-davaka

Lavaka mangitsokitsoky ny areti-mampijaly
lavaky ny fahotana izay nandavo ahy omaly
lavaky ny honahonam-pahantrako mihetraketraka
lavaky ny famoizam-po izay tena mahaketraka

Ka isan'andro, isan'alina eo Aminao no iantorahako
ary eo am-pelatananao irery ihany no ametrahako
ny momba ahy manontolo sy ny amiko rehetra
fa Ianao no Ilay Raiko tia ahy tsy misy fetra

RFE Andria - 22/09/2016
--------
Rohy:
Sokajy : Vavaka
1341 0
Hametraka hevitra
Midira aloha
Momba ny tononkalo
Mpanoratra : RFE Andria
Nampiditra : arofanina
Daty : 22/09/2016 16:24
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0135