MISERANA (RFE Andria)
Mbola tsisy niantsa
(Nalaina tao amin'ny vetso.serasera.org)
MISERANARaha toa ka semban-drahona ny lanitrao anio
Tsarovy, mibaliaka ny masoandro ao ambonin’io
Tsy mitsahatra mamiratra ny tara-pahazavany
Ary koa mamelon’aina ny zara hafanany
Raha toa ireo masonao indreo mirotsak’orana
Noho ny onjan’alahelo misendaotra mahatorana
Antenao fa mbola ho ritra sy ho tankina ireny
Ka hisolo hafaliana mandifotra eny an-keniheny
Raha toa ka tsapanao mamirifiry ny ririnina
Fa mampijafajafa anao manao kely tsy tohinina
Fantaro fa miserana io, tsy ho hita hoe ahoana
Tsy haharitra ela akory hodimbiasin-dohataona
Tsiky AROFANINA – 18/07/2015
--------
Rohy:
Sokajy :
fiainana