SAINGY... (RFE Andria)
Pas encore lu
(Nalaina tao amin'ny vetso.serasera.org)
…Saingy…
Tena diso aoriana loatra izato fanazavana
Fa efa an’olona ny foko, efa lasa fa tsy tana
Efa manana olon-tiana aho ary tia sy tamana
Ny fitiany nosokafany ho ahy midanadana
Ka na dia toa mahaliana aza ireo tsiambaratelo
Sy mandona ny fanahy, ny ao am-po mamelovelo
Aza tsiny raha toa aho ka tsy hanongilan-tsofina
Tsy tsara ny manao fitan-droa fa mety hahakofona
Ny visavisam-pandaharana atolotrao dia manaitra
Toa mamy raha jerena, toa tantely tsy hafaitra
Saingy…
Efa ampoka fitia raha izaho sy ilay Malalako
Ka tsy afaka hampirafy ity fo kely adalako
Efa mianoka hasambarana ao an-tsahan’ny fitia
Koa aza tsiniko, aza fondro, tena azafady akia
RFE Andria – 30/06/14
--------
Lien:
Catégorie :
Fitiavana