SAMBO MPIADY (RFE Andria)
Mbola tsisy niantsa
(Nalaina tao amin'ny vetso.serasera.org)
SAMBO MPIADY…Iny sambo izay nandao ity seranako iny
Rahoviana no hiverina aorian’ny fitodiany
Aman’andro maro, amam-bolana, aman-taona ?
Lasany any mantsy ny fo, fanahin’ito gaona
Mpandeha firifiry no hiondrana eny amboniny ?
Seranan’iza avy koa no mbola hiantsonany ?
Tsy azo nofefena tokoa ianao r’ilay samboko
Hany heriko nitafy, nanamafy koa ny hamboko
Izaho koa mba handray sambo maro isan-karazany
Na ny vao tsy an-traikefa, na ny efa manana ny lazany
Dia hokarakaraiko ireny, hotsidihiko ny atiny
Ny fahaizako rehetra no hasaiko hampirongatiny
Fa ilay samboko efa lasa dia ahiako tsy himpody
Sanatria tsy manozona na hoe koa miantso tody
F’izay ny momba azy amin’ny maha sambo mpiady
Ka aleoko dia miomana toy izay hangadihady…
RFE Andria – 21/03/2015
--------
Rohy:
Sokajy :
Hambom-po