SERANA... (RFE Andria)
Mbola tsisy niantsa
(Nalaina tao amin'ny vetso.serasera.org)
SERANA…Raha sanatria miselontselona ilay rivotra mpandrava
Dia iangaviako ianao : ny tsiaron’ny fitia atao ranolava
Ary ilay fitiavana voalohany no ataovy tanisa sy litania
Mba hamelomana azy indray ho mandrakizay doria
Dia ny vavaka mafana koa no ampiakaro isan’andro
Dieny raha vao mifoha mandra-podin’ny masoandro
Aoka tsy hatao kinanga fa ho tena rivo-piainana
Fa izany ihany koa no hanalefaka ny fanaintainana
Ny adidy amin’ny ankizy sy ny hoaviny jerena
Fa raha sanatria tsy ho eo re ny rainy, hahonena
Mafy koa raha samy mafy ny kamboty velon-dray
Ka tandrovy ny fitia , areheto ny afony hamaivay
RFE Andria – 29/06/14
--------
Rohy:
Sokajy :
Fitiavana