SETRINY... (RFE Andria)
Mbola tsisy niantsa
(Nalaina tao amin'ny vetso.serasera.org)
SETRINY...Ritra irony hehiko
Foana koa ny tsikiko
Nanaovan’ny ankaso
Sompatra ny tenako
Ka zary ranomaso
Sy fatran’alahelo
Sisa no tavela
Tsy satriko zaraina
Aminao rahavako
Ka naleoko niery
Nanepoka tsy hita
Tsy ho mandrakizay
Fa mandra-pisindan’
Ny raho-mitatao
Toky no omeko
F’izaho tsy nandao
Ny foko sy ny saiko
Ary ny fanahiko
Miaraka aminao
Mbola eo anilanao…
Izany moa akia
Fa mba mitsikia!
RFE Andria – 04/01/2016
--------
Rohy:
Sokajy :
Namana - Fampaherezana