TAPITRA (RFE Andria)
Mbola tsisy niantsa
(Nalaina tao amin'ny vetso.serasera.org)
TAPITRADia nisoka ilay masoandro
Any ambadik’iry bonga
Toy ny hoe manadrohadro
Satria vao tsy ela no tonga
Dia nisintaka ny volana
Nadifin-drahona mavàny
Ny tarany botsiaka, olana
No nandrakotra tomany
Irony kintana, niery
Salovanin-draho-matevina
Ity foko manirery
Anaty hantsana sy tevana
Soa ra-Tsiky mbola teo
Nampahamirana ny tava
Arofanina tsy leo
Ny alaheloko nisava
Tsiky Arofanina – 26/03/2016
--------
Rohy:
Sokajy :
Fisarahana - Fitiavana