TSIAHY (RFE Andria)

Mbola tsisy niantsa

Hangataka antsa
(Nalaina tao amin'ny vetso.serasera.org)
TSIAHY

Neny!
toa tsy hitako izay teny
entina atao amboara
no sady koa tsy hangidy fara
ho amin'ity andro anio
satria tsiahy toa tadio
no mitambolona ato an-tsaiko
ho fisaorana ny raiko
na tsy ho aza ny fety
sy fanomezana arenty
sy adera etsy sy eroa
zava-kanto mahasoa...
Satria ny hany mba tsaroako
- isaorako azy eram-poko -
dia i Dada foana ombieny ombieny
no sady Dada koa no Neny
Mbola kely mantsy aho
ny fahoriana nifamaho
ka nandaozanao ny tany
ho any ambadika any ho any...

Koa aza tsiny re ry Neny
raha toa tsy hitako izay teny
entina atao amboara
no sady koa tsy hangidy fara
ho amin'ity andro anio
satria tsiahy toa tadio
no mitambolona ato an-tsaiko
ho fisaorana ny raiko
satria ny hany mba tsaroako
- isaorako azy eram-poko -
dia i Dada foana ombieny ombieny
no sady Dada koa no Neny...

RFE Andria - 28/05/2016
--------
Rohy:
Sokajy : Fety - Fahatsiarovana
969 2
Mpakafy: AsLamy - hsn5
Hametraka hevitra
Midira aloha
Momba ny tononkalo
Mpanoratra : RFE Andria
Nampiditra : arofanina
Daty : 28/05/2016 14:15
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0119