TSY AHOAKO (RFE Andria)
Mbola tsisy niantsa
(Nalaina tao amin'ny vetso.serasera.org)
TSY AHOAKOTsy ahoako izay felaka sy ritsodritsok’ady
Asesiky ny fiainana mila hampandadilady
Fa na mafy toa inona ny afitsony ‘zareo
Izaho tsy hilavo lefona fa hampiaka-peo
Tsy ahoako izay kaikitra fanetoky ny jaly
F’ireny aza setraiko fanahy mifalifaly
Ka na mafy toa inona izany fanaintainana
Izaho kosa hitsiky, tsy hanao fitarainana
Tsy ahoako izay dinitra hikoriana an-tavako
Ho mariky ny ezaka, ny farora-bavako
Fa na tsy ho tohitro ka hampitrosina an-tany
Izaho tsy hanaiky resy fa hitolona hatrany
Tsiky AROFANINA – 09/07/2015
--------
Rohy:
Sokajy :
fiainana