TSY ANJARA (RFE Andria)
Mbola tsisy niantsa
(Nalaina tao amin'ny vetso.serasera.org)
TSY ANJARAIndrisy ! indrisy re rahavako !
Mikoriana eo an-tavako
Ny ranomason’alahelo
Avy ao am-po mamelovelo
Mijojo izy akia satria
Voarara tsy hitia…
Fa ianao toa voninkazo
Soa sy kanto nefa tsy azo
Eny, tsy azoko laingosana
Tsy azoko ilomanosana
Ilay hanitrao manentoento
Zary lasa mampisento…
Manan-tompo mantsy akia
Ny zaridaina misy an-drý
Ka tsy azoko ivelarana
Mirindrina ny varavarana
Tsy ho antsika ny hiaraka
Ka ny mety dia misaraka
Dieny mbola vao miandoha
Ny tantarantsika roa…
Mafy izany fa zakaina
Izany moa ry sombiniaina an!
RFE Andria - 07/07/2016
--------
Rohy:
Sokajy :
Fitiavana
Mpakafy:
Rah Wence's