TSY LAVITRA (RFE Andria)
Pas encore lu
(Nalaina tao amin'ny vetso.serasera.org)
TSY LAVITRA…Ny vorona taitram-basy
Tsy mijanona tsy any Itasy
Fa ianao raha mifindra lasy
Tsy avelanay hangasihasy
Hovangianay matetitetika
Hotsidihinay mbetimbetika
Tsy avelanay hahatsiaro ho irery
Indrindra hoe tena very
Handefasanay hafatra eto
Raha mandeha ny aterineto
Hafana ny ONJAM-PITIA
Ampitain’ny teknolojia
Ka tsy lavitra ianao tsy akory
Toneo ny fo fa aza ory
Izahay eo aminao hatrany
Tsy mahalala izay lavi-tany
RFE Andria – 08 janoary 2015
--------
Lien:
Catégorie :
Namana