VADY-SIPA (RFE Andria)
Mbola tsisy niantsa
(Nalaina tao amin'ny vetso.serasera.org)
VADY-SIPAIzaho ho’aho tsy hanambady
Sanatria tsy satria hoe fady
Fa tofoky ny adiady
Leon’ny mifampitady
Aleo mifankatia tsotra
Mifamotoana anaty zotra
Mifakahita rehefa manina
Tsy adalain’ny adisanina
Izaho anie tsy hoe tsy tia
Izaho aza tara amin-dry
Satriko ihany hifanoroka
Himamo fitia, ho doroka
Hatrany hifanafosafo
Hafanain’ny fitia-afo
Aleo fitia ts’isy arakaraka
Vady-sipa mifanaraka
Mifankamanina isan’andro
Rehefa mody masoandro
Sa tsy izany moa akia :
Vady-sipa izaho sy indry… ?!!
RFE Andria – 02/04/2015
--------
Rohy:
Sokajy :
Fiaraha-monina - Fitiavana