Ambin-tsoratra (Santatry Ny Omaly)
Mbola tsisy niantsa
(Nalaina tao amin'ny vetso.serasera.org)
......
...
Dia novinaky ilay fitia
Natonta mba ho roa
Dia nisaraka satria
Samy tofoka ny fo !
Ireny rediredy ireny
Nampanentana fitsiky
Zary hira toa nanjeny
Zary kalo toy ny ts'isy
Iny volana fitaratra
Nandravaka ny alina
Indrisy fa niraraka
Nanakona ny marina !
Ka ho afeniko ny penina
Namanto ny endrikao
Fa ho soloiko nenina
... Olon-tiana vaovao !
Dia ho dorako iniana
Ny taratasy tsy fambara
Fa ny soratro mangina sisa
No ambiny ho tantara !
--------
Rohy:
Sokajy :
Fisarahana
Mpakafy:
Tojonyomaly - pakopako
