Jamba (Ted Raz)
Mbola tsisy niantsa
(Nalaina tao amin'ny vetso.serasera.org)
Jamba!Tsy tsapanao f'angamba ny fonao efa jamba
Tsy hatazana hafa intsony akotran'ny fitsikiny
F'izaho 'lay sasa-miandry ny hamenonao ny banga
Nahilikao antsisiny
Dia maminao na tsy ampy aza ny kely izay natolony
Tsy hanampy anao hafana f'hitarika fanala
Ianao mandray ampo fa ny azy hatreo imolony
Eny e, tia ianao dia adala
Toa satrinao ny handefitra ny bediny mazàna
Ny hiafy tsy hisainy ilay izy any an-kafa any
Fa n'inona aza ho ditrany d'ianao efa tamana
Efa zatra raha tomany
K'izaho aleo hangina, f'hivavaka aho angamba
Ho rakotra hafaliana izay rehetra atao
Eny ampiako kely hoe "ianao tsy mba ho jamba"
Dia... ho sambatra ihany ianao...
--------
Rohy: