HITOHY MANDRAKIZAY - Tsanta MIKANTO

Azo vakiana?

HITOHY MANDRAKIZAY
.
Malala a,
Miodina ny taona
Fa mbola ianao foana
No voasoratro ho tantara.
Na dia misy ny adiady
dia tsaroako ireo voady teo ambony alitara !
Tsy ho voafafan’ny fotoana
‘lay isika miara-noana,
‘lay isika miara-ory,
Samy tsy mahita tory mitady izay hahavoky,
Ary ireny rehetra ireny no zary lasa toky
nanamafy ilay fitia.
Ho tiako foana ianao,mandrakizay doria !
‘zay manan-kiana ambadika any ,avelao ho tata-bava,
fa ny antsika na ankoraina dia hijoro lalandava
sy hametra-tsangambato tsy ravan’oram-baratra,
Hita eo izay ho fitaratra e !
Fa na mbola fanimpiriny no hisy sakantsakana
Hamingana indray
Dia ity no hany ambarako :ny fitiavako anao dia manao toivakana
HITOHY MANDRAKIZAY
.
Tsanta MIKANTO

Mombamomba

Mpanoratra : Tsanta MIKANTO

Nampiditra : tsanta mikanto
Daty : 16/12/2015
Mpamangy : 1561
Mankafy : 0

Tononkalo hafa

HAFATRA HO ANAO
IZAHO 'KOA MBA TE...
NOSIMBAINAO
MANAIKY AHO FA RESY
TSY IANAO IRERY
NY TAKARIVAKO
SAIKY NENINA
FITIA IMORONA
KALOM-BORONKELY
NY LALAKO