Avereno i Mamanay (Zo-Maminirina)

Nantsain'i
(Nalaina tao amin'ny vetso.serasera.org)
Avereno i Mamanay
(Tolom-bavaka ho an'i Hanitra)

Tondrozotra tokana tsy misy fanavahana
Ny lalambe mahitsin'ny fotoana fisarahana
Eny am-perin'ady, fa mitohy ny tolona,
Teo daholo ny olona.
Nefa ... tolom-bavakay ry Ray:
"Avereno i Mamanay!"

Zara-tanambokovoko
Mandrazoka am-babena
Ny zava-nofaritany
Kanefa dia tsy vitany,
"Angefa" koa natolony
Ho antsika olony
Ny fanohizana azy.
Nefa ...tolom-bavakay ry Ray:
"Avereno i Mamanay !"

Ny maso mihandron-drano?
Isika aloha no toko
Hanamasaka, handemena
Ny naketrika, nahandro
Ho an'ny firenena.
Saingy ... tolom-bavakay ry Ray:
"Avereno i Mamanay!"

Tsy nitaika intsony ny famantaranandro
Ka zary nibosesika
Ny ontam-po miretsika
Fa lasa i "Mamanay"
Dia mila voatsyhary
Amin-Janahary
Hoe : "Ry Tompo tia anay
Mba avereno ... i Mamanay!"

Zo-Maminirina
07 septambra 2009
--------
Rohy:
Sokajy : Alahelo
1232 0
Hametraka hevitra
Midira aloha
Momba ny tononkalo
Mpanoratra : Zo-Maminirina
Nampiditra : Zoom140268
Daty : 22/02/2012 08:32
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.1113