SAMBON'AVELO (Zo-Maminirina)

Nantsain'i
(Nalaina tao amin'ny vetso.serasera.org)
SAMBON'AVELO
(Ho an'i Niry-Solosoa noho ny LOLON-TSAMBO)

hay mety ho manin-tseranana ihany
ity noheverin-ko avelon-tsambo
nidingina rambo
fony nanainga ?
tsy haiko ny handainga
fa latsa-tomany
niverina ilalana, tsy nety tamanan'
ny lango malefaky ny hiran'angola
nadolan'ny vola
fa nanarangarana ilay niaingàna.
noheverin-ko avelo na koa hoe nanangatra
fa tsy narendriky ny onja maria
k’injao mandona ny morona ety!
kanjo lasan'ny hafa ny ritso-baliha,
vazo hafa indray no tinendry ka fy!
na sambo vao aza mafy, mateza,
raitra, tsy bitika nefa tsy ngeza.
ny azy, toa vizana ‘ty mpanamory,
ny aty, tsara tohana miondam-bilory!
tsetra miserana sisa mandalo
fa izy efa vita, efa voatakalo!
ô! ny aty tsy mba taitran'ny avelon-tsambo
fa vonon-kisetra ny onjan'antambo,
raha izy nijihina, ny aty nanan-kambo,
tsy taitran'izay maso vao... feno ankosotra,
tsy aty no nitsipaka f'izy no fositra
k'aleo izy ho any!

Zo-Maminirina
01/10/2009 (00 ora 23)
--------
Rohy:
1607 2
Mpakafy: ikalamako - kiriah
Hevitra mandeha
kiriah ( 22/02/2012 13:47)
tsara e!
Zoom140268 ( 22/02/2012 15:29)
Misaotra indrindra e!
ikalamako ( 20/08/2019 18:28)
tiako loatra... ayéééé mazava tsara ilay sarinteny rehetra - hehehe.
Hametraka hevitra
Midira aloha
Momba ny tononkalo
Mpanoratra : Zo-Maminirina
Nampiditra : Zoom140268
Daty : 22/02/2012 09:23
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0976