Patrak’orana - Zo-Maminirina

Azo vakiana?

Patrak’orana

Mitsidika manarangarana
ny eto am-baravarana
ny patrak'oran-jofo
ka nibitaka ny foko
te hihenjika
hanenjika
ny alokao rarafany
manainganainga moron'
ny patalo tsy ho petsa
fa ny olona rehetra
mijokojoko mora
manaranara-moron'ny
lalambe fodiana
hamonjy akany tiana!

Oay!
Ratsiratsy toetra koa ilay mpamily!
Izay ianao dia kotsa!
Hotsaka tanteraka!
Hetsaka haninteraka
lingilingin-tsiaro
izay tsy taka-maso
fa takatra fanahy minofy
tonga nofo!
Ny nofo koa ka mofo
sy hani-mahavoky
raha tsaratsara toky!

Ratsiratsy toetra hoy aho ilay mpamily!
Boto tsy manjary
ilay aza vanona iny!...

Zo-Maminirina
07.02.2011
(Antanimena 2 ora 40’ tolakandro)

Mombamomba

Mpanoratra : Zo-Maminirina

Nampiditra : Zoom140268
Daty : 22/02/2012
Mpamangy : 851
Mankafy : 0

Tononkalo hafa

Tsy nangalatra aho
manitra ny hanina
Hovitra
tsy azoko tiavina
SAMBON'AVELO
tsy misy afeni-natao tsy ho hita
Hontsana
jangajanga an-kira
Avereno i Mamanay