KITROKA SY RAHONA MAINTY - Zay LAFATRA

Iny rahona eny ambony,
be hadiry sy matevina.
Rahona mainty feno lony,
nampijaly tsy nibanjina.

Ny masoandro tsy mihiratra,
ka takon-drahona ny tany.
Mitsolafaka eny an-tatatra,
ilay olon-tiako mitomany.

Ka mijaly sy maratra,
Ao anaty haizina mangina.
Midobodoboka ao an-tratra,
ilay fo feno hakiviana.

Ka mitady ilay fanilo,
mba hitsilovana ny lalana,
Efa latsaka ilay îlo,
F'ity kitroka tsy namana.


15 mai 2015.

Zay_LAFATRA

Hametraka hevitra

Midira aloha

Mombamomba

Mpanoratra : Zay LAFATRA

Nampiditra : nagaoka
Daty : 01/10/2018
Mpamangy : 508
Mankafy : 0

Tononkalo hafa

Tia anefa tsy voajery
HOPITALIM-PITIAVANA
Tanimena midorehitra
Miaraka hono isika?
AZA MANANTENA
Alahelo
Ratran'ny fitia
Izy ilay nambabo
Dada
ALA-NENIKO AMINAO