You are here: home > Vetso

Ry zanako - Karako

Ianao ry zanako,
Na tiako tahaky ny inona
Satriko ho fihinina
Tsy hiala eo an-tratra ;
Ka zary ho maratra...
          Tsy maintsy avotsitro ihany
          - Na dia mafy izany…
Hahay hamindra irery
Izaho anefa hijery
Hanara-maso anao ;
Eo fa tsy handao.

Ianao ry zanako,
Na tiako ho tantanana
Sy tiako ho fahanana
Ka izaho no hibaiko
Sy hanjadona izay haiko ;
          Tsy maintsy alefako ihany
          - Na dia mafy izany…
Hianatra hanidina
Iriko tsy hitsingidina !
Hijery ny any ho any
Fa mody akany ihany.

Ianao ry zanako,
Dia tiako ho toa ahy :
Hiaina amin’ny fanahy ;
Ho leon’ny karenjy
Tsy ho mpivenivenjy.
          Tsy maintsy ivavahako
          - Tiako anie ny zanako !
Hahita ilay “Lalana”,
“Andrian’ny fiadanana” ;
Ny zanako voafidy,
Ianao dia sarobidy !

Karako
2018-06-18

Mombamomba

Mpanoratra : Karako


Nampiditra : karako
Daty : 20/06/2018
Mpamangy : 705
Mankafy : 2
Ankafizo

Tononkalo hafa

Lova tsara
Masina ny firenena
Tsy irery ianao
Lavitra...
Tsikotsiko
Laolao teny
Rehefa aty Andafy

Hevitra mandeha

voatsinampy (25/07/2018 11:06:14)

mampihetsi-po, hoventesiko io rehefa ho avy ny fotoana amoahako ny zanako vavy ato an-tokatranonay

karako (25/07/2018 21:20:04)

Mankasitraka e! :-)

Hametraka hevitra

Midira aloha