You are here: home > Vetso

Rehefa aty Andafy - Karako

Azo vakiana?

Izaho aty ry Neny...
ka mandeha miantsena,
Mividy anana sy hena...
Tsy eo intsony i Soa
...Hay tokoa moa !

Izaho aty ry Neny...
ka manasa lamba,
mipasoka tsy mihamba
fa tsisy "Jacqueline":
voasolon’ny masinina.

Izaho aty ry Neny...
manatitra ireo zaza
na d'efa reraka aza
Fa tsy aty i Velo
‘bakoina hoe "Atero !"

Izaho aty ry Neny...
ka mandray angady
Fa tsisy asa fady :
tsy eo anie Rakoto
ho iraka sy boto.

Izaho aty ry Neny...
Manapaka kitay
Tsisy hoe tsy hay
Fa dia izaho ihany
No manao izany !

Izaho aty ry Neny...
mianatra mandrafitra
miasa fa finaritra
Tsy miandry "tanana"
mikoja izay ananana.

Izaho aty ry Neny...
Manao ny rehetra rehetra
Voatery miova toetra:
Tsy miankina amin'olona
Nefa tsy miolonolona !

Karako
Canada - 2013-08-07

Hevitra mandeha

Vanilia (22/11/2015 22:53:55)

tena marina

andriamanampisoa nomenjanahary nicolas (13/12/2015 07:21:17)

marina izany

Hametraka hevitra

Midira aloha

Mombamomba

Mpanoratra : Karako


Nampiditra : karako
Daty : 07/08/2013
Mpamangy : 2533
Mankafy : 4

Tononkalo hafa

Isaina
Lova tsara
Masina ny firenena
Tsy irery ianao
Ry zanako
Lavitra...
Tsikotsiko
Laolao teny