You are here: home > Vetso

Hataka - Ny Avana Ramanantoanina

Omeo anay, ry alina,
Ny fahanginanao,
Fa be ny zava-dalina
Izay miafina ao.

Omeo anay, ry volana,
Ny fibaliakao;
Ny fo izay mifanolana
Mba samy hazavao.

Omeo anay, ry kintana,
Ny fandeferanao
Fa sompatra ny vintana
Ka tsy hita izay hatao.

Omeo anay, ry rahona,
Nv fiafenanao;
Mangidy toy ny vahona
Ny adidy mba hatao.

Omeo anay, ry tselatra,
Ny fitsoriakanao;
Ny fandrika mivelatra
Esory sy alao.

Omeo anay, ry fasana,
Ny fitsimbinanao
Mba tsy halaky lasana
Ireto aina vao.

Omeo anay, ry fiainana,
Ny mamy aminao;
Ny ora. itarainana
Tapero sy ravao.

Omeo, ry fitiavana,
Omeo ka mbà valio.
Ombay hasoavana
Ny hatako eto anio.

Mombamomba

Mpanoratra : Ny Avana Ramanantoanina

Nampiditra : ds
Daty : 20/08/2004
Mpamangy : 6249
Mankafy : 4
Ankafizo

Tononkalo hafa

SAMBO
SAROTRA AMBARA
Resa-panahy
Alahelo Iaraha-Manana
DIENY MBOLA VELONA AHO
Asakasakareo

Hevitra mandeha

zakilinina (30/11/2004 00:38:33)

Tiako ho fantarina hoe oviana no nanoratan'Ny Avana Ramanantoanina an'ity tononkalo ity ? Diso fata-dàza loatra ity poeta ity ka tsy tokony hadinoina.

ds (07/12/2004 00:03:13)

Nivoaka tao anaty "Ny Lakolosy Volamena" tamin'ny 20 oktobra 1911.

Hametraka hevitra

Midira aloha