Alahelo Iaraha-Manana - Ny Avana Ramanantoanina

Alahelo Iaraha-Manana



Tadidiko lava ny endrik'Iarivo
Tsy miala ao an-tsaiko ny bikan'Imanga ;
Ka lena ny maso fa dobo marivo,
Injany ny sento fa tamy mitranga !

Ny tampon'Ankaratra tonga tsaroana,
Ny tendron'Andringitra zary tadidy ;
Toneko ny foko ka tsy azo toroana
Fa saro-tsatsoina ny sento mangidy !

Ibetsimitatatra reny nitaiza,
Ikopa malala tonian'ny aina,
Dia samy tsaroana kanefa hankaiza,
Fa lasan-ko nofy ny mamin'ny saina !

Avelao re Ankaratra hijojo maraina !
Avelao Andringitra haneri-kariva !
Ny fo manina azy ka velon-taraina,
Malemy fitepo sy latsaka iva !


Ny Avana Ramanantoanina

Mombamomba

Mpanoratra : Ny Avana Ramanantoanina

Nampiditra : pissoa
Daty : 21/04/2008
Mpamangy : 10911
Mankafy : 4

Tononkalo hafa

Midona moramora
Hiram-betsovetso
FANAHY MAMOLIVOLY
" AHOANA RY FOKO ? "
Tsarovy
Ny lehilahy
SAMBO
SAROTRA AMBARA
Resa-panahy
Asakasakareo