FENO ANAO NY NOFIKO (Aina Nirina)

Mbola tsisy niantsa

Hangataka antsa
(Nalaina tao amin'ny vetso.serasera.org)
FENO ANAO NY NOFIKO

…Dia nifanerasera teny ho eny isika,
Nifanojo hatrany, dia niara-nisariaka…
Dia nifankahalala sy nifananihany…
Ilay fifanojoana toa nitombo hatrany…

Injany fa tsy tantiko misisika tsy tana :
Manemitra ny fiainako tsy azoko ialana,
Toa rivotra iainako ilay tsikitsiky kely
Amin’ny laingo-tavanao toa tsikin’ny anjely…

Miverina eo imasoko, miraikitra ao an-tsaiko,
‘Lay tsiky iray mandravaka ny endrikao ry aiko…
Ampianao ny vetso mitondra rotsirotsy :
Dia entiko matory hatrany anaty nofy…

Manjary ianao foana no ao an’eritreritro,
Satriko ho anao ny fanehoan-kevitro…
Ny aingan’ny fanahiko manjary lasanao…
Ny fiainako mihitsy no tiako ho vaovao…

Feno anao ny nofiko na andro na koa alina…
Ka tsoriko aminao fa ‘zao ny tena marina :
« Babonao ny foko, raikitra fitia,
Ka ‘ndao hiara-dia, hiara-hifangia… »

AINA NIRINA
(31 jolay 2014 tamin’ny 21 :30)
(Boky Sombin’i Aina 1 pejy faha-34 sy 35)
--------
Rohy:
Sokajy : Fitiavana
2441 0
Hametraka hevitra
Midira aloha
Momba ny tononkalo
Mpanoratra : Aina Nirina
Nampiditra : AinaNirinaPoeta
Daty : 17/03/2015 19:16
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.01