'lay endrikao (Andriamihaja Johan (H-mainty))

'lay endrikao

Anaty ny alina aho, no nahatsiaro anao
Tadidiko avokoa ireo fanao taloha
Sy ankehitriny koa

Mitsiky irery aho dia manakipy maso
Ka indro ny tsinjoko ao, ilay endrikao
Tsy mba mankalao!

Dia tohizako eo ‘lay sary
Tsy foiko ho tapahina, fa mitondra hevi-dalina
Tsy hain’olona takarina

Entiko hatory hiandry ny ampitso
Ataoko nofy mahaliana, ny alina mangiana
Fa endrik’olo-tiana


A.L.J.
18-04-05 16h36
--------