Tsy anjara (Andriamihaja Johan (H-mainty))
Pas encore lu
(Nalaina tao amin'ny vetso.serasera.org)
Moa mba fantatrao moaNy atao hoe mitia?
Tsy azo atao kitoatoa
Tsy kilalao io sanatria
Moa ianao efa nitia
Sy nandrotsa-dranomaso?
Raha tojo sarotra ny dia
Raha nosomparan’ny ankaso?
Tsia angamba hoy aho miteny
Tsy mbola tojo anao izany
Fa ‘reny mahazatra anao ireny
Mbola fitia hanihany!
Any andro any volana
Hatsiarovanao ny teniko
Hatsapanao ny lanjany
Hitenenanao hoe “Neniko”
Fa fitia mafonja
Tsy azo ampitahana
No navadikao ho fonja
Sy tomany fahatrana!
Rendrarendra ve ry kala
No atakalonao fitia
Ny hendry sy ny adala
Tsy afaka ny hiara-dia
Koa aleo hifarana eo
Ny fitiavatsika roa
Enao koa ngamba efa leo
Izaho ahazo areti-po!
A.L.J
13-04-05 17h46
--------
Lien:
Commentaires
fiaritiana
(
14/04/2005 14:28)
mampalatsa dranomaso ny tononkalonao sady tsara koa , fa tohizo hatrany
johan
(
15/04/2005 06:15)
Misaotra an'i Fiaritiana namaky!