IZAHO TSY TIA INTSONY! (ANDRINIAINA1)

IZAHO TSY TIA TSONY!

"Izaho tsy tia intsony!"
F'aza mba mifanorisory:
Teo aho tsy noraharahina,
Ka ankehitriny ndray vao hoe tiana.

"Izaho tsy tia intsony!"
Fa efa nionona sy tony:
Niteny aho tsy nohenoina,
Ka izao indray ka hoe tsy foina.

"Izaho tsy tia intsony!"
F'aza asina lonilony:
Niangavy sy nitalaho aho tsy nojerena,
K'izao indray koa ka hoe miverena.

"Izaho tsy tia intsony!"
Fa efa leo romiromy:
Nandamina aho tsy nekena akory,
Ka ankehitriny ndray ka hoe aravony.

"Izaho tsy tia intsony!"
Ka avelao sy ajanony:
Ny fotoana sy hery lany ara efa nenina,
K'izao ndray ka hoe aleo averina.

"Izaho tsy tia intsony!"
Fa ny hafa indray no atony:
Ny tsy misy indray no forony,
Fa ny lasa tsy hiverina intsony.

"Izaho tsy tia intsony!"
Fa efa niova hono ny fony:
Teo aminao angamba tsy tsara,
Ka zao ndray ka hoe iri-ho anjara.

"Izaho tsy tia intsony!"
Ndrao heverina fa mandrongony:
Fa tia zah lazaina fa jamba sy adala,
K'izao ndray ka hoe malala.

"Izaho tsy tia intsony!"
Fa ny hafa indray no otrony:
Satria tsy tiako hiverenana,
Ny lasa nanenenana.

ANDRINIAINA1.
--------