Tavela irery (Bovalox)

Nakifiny aho nalàny, tsy haiko hazavaina;
Nesoriny hiala tsy haiko tantaraina;
Nolazainy fa masiaka sy mibedy ,
Miteny mafy ary angamba be kredy!

Izaho mbola nankafy sy nanonofy,
Nieritreritra fa hoe tsy misy rofy,
Kanjo indrisy fa nesoriny hiala!
Tapitra eto izany ilay antsoina hoe Malala !

Veloma ary dia mazotoa fa mbola ho ela
Ny hiainana eto an-tany vao afa-bela,
Mety ho telo na ho dimy na tsy fantatra,
Izay mbola ho tiavinao dia ankamantatra!

Ny ahy manokana angamba dia izao:
Hàka aina aloha hatramin'izao !
Hangina tsy hamaly na hisento
Fa fandalovana ny tany ange 'ry 'reto !

Ho anareo izay tena mbola mankafy!
Trotroiko am-bavaka ary dia soava dia
Aza dia mandray an-tendrony raha resaka
Fa sao dia ôtranle anahy tonga dia tresaka
--------