HATAOKO ZANY (fanasina7)

Raha mbola misy hery kely ahafahako mivàza
Hiantso hoe miverena ianao…na dia lavitra aza :
Dia hataoko izany !

Na misy aza henatra olona noho ny hambo izay nazera
Raha izay no hifamerenana…hahasitrana ito tena :
Dia hataoko izany !

Na amy taonina aza ny eso, latsa sy teny maharary
Ka izay no hahafa-po anao…sy hanafoana ito jaly :
Dia ekeko izany !

Fa fitiavako ianao…olon-tokana eto an-tany.
Tsy foiko e !…mamy indrindra…toy ny vatomamy
Koa raha ilaina ny ho any…handrava fisarahana
Na zavatra hafa maro…hanohy ny fiarahana :
Dia hataoko izany !

2003F7
--------