Voady (honenantsoa)
(Nalaina tao amin'ny vetso.serasera.org)
Fitiavako anao anie Ry malala! Tsy faniriana
Sesilany fa hampiakatra
Anao ho andefimandry
Fitiavana mahari- po
Ka ny fitia tsy ho lo
Na ho lefiny fotoana
Fa hanjohy eo foana
Fitiavana tsy makandala
Tsy miova loko toy tana
Fa izay tena tia no tokam-po
Tsy handrarak'ilo mby an-doha
Fitiavana marina sy madio
Tsy ho ravan'ireo tadio
Fa ny Tompo no nampiray
Hotahiany ny taranakao sy ahy
: Honenantsoa
--------
Lien:
Catégorie :
Fitiavana
Fans:
honenantsoa