Ny antsika malala (Ilay FANAMBY)

Ny antsika, malala a!

Fitiavana tsy misy seto, tsy mbola hatreto,
Fa efa hatrizay ary mbola ho mandrakizay.

Ny antsika, malala a!
Fitiavana tsy misy fitaka, ho maro ny mpankasitraka,
Fitiavana feno hafaliana, lavitry ny alahelo sy fahanginana.

Ny antsika, malala a!
Fitia mifametra, nefa tsy mba hanam-petra,
Fa ny aina ihany no fetra.
Fitia maharitra, voaravaky ny lahatra.

Ny antsika, malala a!
indraindray fitia mahory, nefa ao anaty fo toritory,
Fitiavana ampy,ho tazonina mandra-pahafaty.

Eny, ny antsika, malala a!
Ilay fitiavana hatrizay, hataontsika ho mandrakizay.
Averiko etoana indray fa:
Tsy mba hanam-petra izany, fa ny aina ihany no fetra

(Ilay FANAMBY,Ny antsika malala,sept 2022)
--------