Longoa mitoto-bozaka (JAO Anjara)

Longoa mitoto-bozaka


Ny tsipolipolimanitra erỳ anjaridaina
No nanintona ny maso
Ka nanjary hampiasa saina
Ny fataka telo ravina erỳ an-tsisimboly
No nahalasa ny eritreritra
Ka nandrendrika ny fony.

Hay tsikobokobondanitra terỳ andohasaha
No nandevilevy mafy
Nanaitra ny ambiroa, ka nampahory ny fanahy
Irony Tsindahoro maniry amoron-dalana
No nanaisotra ahy teo
Tsy hipody intsony ,ka handao anao mahalana.

Tsinkafonkafona mitsiry eo ambony rano
Noheveriko ho finidy
Hay!ho zezika rampitso ,hampiditra angano
Felamboahirana nanahirana ny saiko
Ny nagalako azy
Kinanjo tsy manjary,saika haningotra ny aiko.


Koa soa ihany aho fa nisaina,sy nihevitra ny ampitso
Fa saika hampitaraina sy hampibaby kitro
Ilay longoa mitoto-bozaka kinasa handatsak’aina
Hitondra varo-tsy mifody hanapitra ny aina.
Hay!!! Soa ihany!!! .
JAO Anjara
--------